मी अनुभवलेले....(Avi kale )

तमाशा :      (कलेचा बाजाराचा)      पूर्वी तमाशा, जागरणात नाचणारी मुरुळी, थिएटर मध्ये नाचणाऱ्या सुंदर मुली म्हंटल की त्या कोल्हाट्यांच्याच असणार हे शंभर टक्के. पण कालांतराने ही संकल्पना बदलली. हल्ली सगळ्याच जातीची भेळ मिसळ झालेली दिसते. कलावंताच्या नावावर काळं फासून त्या जागी नाच म्हणजे धंदाच बनून गेलाय. उट सूट गरिबी आली की घरच्या पोरींना पाठवा नाचायला आणि कमवा घरी बसून. थिएटर, तमाशा, मुरुळ्या यात नाचणाऱ्या हल्लीच्या पोरी आणि बायांनी कलेचा बाजारच मांडलेला दिसतो. कला बाजूला राहते आणि होतं ते फक्त प्रदर्शन मग ते अंगाचं असो किंवा सौंदर्याचं,  असो...       मी आज तुमच्यासमोर अशीच एक गोष्ट मांडणार आहे. मी अनुभवलेली सत्य घटनेवर आधारित. एका गरीब घरातली मुलगी तिला शिकायची फार आवड. दिसायला प्रचंड सुंदर, काळेभोर डोळे. लांबसडक केस, गोरीगोमटी पण उंचीने थोडी ठेंगणी. वयाच्या १६ व्या वर्षी घरच्यांनी, घरच्यांनी म्हणण्यापेक्षा आईने तिला शाळेतून घरी काढून ठेवलं. तिला काम धंदा शिकवायचा म्हणून तिच्या मावशीकडे पाठवून दिलं.    ...